 رابطہ عالم اسلامی ان ممالک میں مسلم طبقات کی معاونت کو خصوصی اہمیت دیتی ہے جہاں وہ اقلیت میں ہیں۔ یہ معاونت ان کے اور دیگر مقامی طبقات کے مابین روابط استوار کرنے کی صورت میں فراہم کی جاتی ہے، جو رواداری، بقائے باہمی، آئین ورائج قوانین کے احترام اور متعلقہ ممالک کی ثقافت سے ہم آہنگی کے حوالے سے ہماری اسلامی بصیرت کا عملی اظہار ہے۔
رابطہ اپنے مشن اور اہداف کے تحت، مسلم اقوام کی نمائندہ ہونے اور مکہ مکرمہ میں ان کے جامع قبلہ سے نسبت کے پیشِ نظر، اپنے دستورِ اساسی اور ”میثاقِ مکہ مکرمہ“ کی روشنی میں یہ اقدامات انجام دیتی ہے۔ اس میثاق کو عالمِ اسلام اور بین الاقوامی سطح پر بھرپور پذیرائی حاصل ہوئی ہے، بالخصوص اسلامی تعاون تنظیم(او آئی سی) کے رکن ممالک نے اسے تسلیم کرتے ہوئے دینی، تعلیمی اور ثقافتی اداروں میں اس سے استفادہ کرنے کی سفارش کی ہے۔
رابطہ ان ذمہ داریوں کی ادائیگی کے لیے اپنی کاوشوں کو مزید مستحکم کر رہی ہے، بالخصوص انتہا پسندانہ افکار کے تدارک اور فکری شعور بیدار کرنے کے حوالے سے۔ اس کے ساتھ ہی رابطہ ان مسلم طبقات کے معاملات میں کسی بھی بیرونی ایجنڈے کے تحت ہونے والی دراندازی کے خطرات سے بھی خبردار کرتی ہے، جو نہ صرف ان کی ساکھ کو متاثر کرتی ہے بلکہ ہمارے دینِ حنیف کی حقیقی تصویر کو بھی مجروح کرتی ہے۔
رابطہ ان تعلقات اور اعلیٰ اقدار کو مستحکم کرنے کے لیے دنیا بھر کے حکومتی، قانون ساز اور نجی اداروں سمیت مذہبی، فکری، ثقافتی اور تعلیمی قائدین کے ساتھ اپنے وسیع اور مضبوط روابط کو بروئے کار لاتی ہے۔
جمعرات, 14 May 2026 - 13:51 -
[](https://www.addtoany.com/share#url=https%3A%2F%2Fwww.themwl.org%2Fur%2Fnode%2F41482&title=%D8%B1%D8%A7%D8%A8%D8%B7%DB%81%20%D8%B9%D8%A7%D9%84%D9%85%20%D8%A7%D8%B3%D9%84%D8%A7%D9%85%DB%8C%20%D8%A7%D9%86%20%D9%85%D9%85%D8%A7%D9%84%DA%A9%20%D9%85%DB%8C%DA%BA%20%D9%85%D8%B3%D9%84%D9%85%20%D8%B7%D8%A8%D9%82%D8%A7%D8%AA%20%DA%A9%DB%8C%20%D9%85%D8%B9%D8%A7%D9%88%D9%86%D8%AA%20%DA%A9%D9%88%20%D8%AE%D8%B5%D9%88%D8%B5%DB%8C%20%D8%A7%DB%81%D9%85%DB%8C%D8%AA%20%D8%AF%DB%8C%D8%AA%DB%8C%20%DB%81%DB%92%20%D8%AC%DB%81%D8%A7%DA%BA%20%D9%88%DB%81%20%D8%A7%D9%82%D9%84%DB%8C%D8%AA%20%D9%85%DB%8C%DA%BA%20%DB%81%DB%8C%DA%BA%DB%94%20%DB%8C%DB%81%20%D9%85%D8%B9%D8%A7%D9%88%D9%86%D8%AA%20%D8%A7%D9%86%20%DA%A9%DB%92%20%D8%A7%D9%88%D8%B1%20%D8%AF%DB%8C%DA%AF%D8%B1%20%D9%85%D9%82%D8%A7%D9%85%DB%8C%20%D8%B7%D8%A8%D9%82%D8%A7%D8%AA%20%DA%A9%DB%92%20%D9%85%D8%A7%D8%A8%DB%8C%D9%86%20%D8%B1%D9%88%D8%A7%D8%A8%D8%B7%20%D8%A7%D8%B3%D8%AA%D9%88%D8%A7%D8%B1%20%DA%A9%D8%B1%D9%86%DB%92%20%DA%A9%DB%8C%20%D8%B5%D9%88%D8%B1%D8%AA%20%D9%85%DB%8C%DA%BA%20%D9%81%D8%B1%D8%A7%DB%81%D9%85%20%DA%A9%DB%8C%20%D8%AC%D8%A7%D8%AA%DB%8C%20%DB%81%DB%92)