 رابطہ عالم اسلامی کی مقبوضہ شامی گولان پر اسرائیلی خودمختاری تسلیم کرنے کے کولمبیا کے اقدام کی شدید مذمت
مکہ مکرمہ:
رابطہ عالم اسلامی نے جمہوریہ کولمبیا کی حکومت کی جانب سے مقبوضہ شامی گولان پر اسرائیل کی خودمختاری تسلیم کرنے کی شدید الفاظ میں مذمت کی ہے۔
رابطہ کے جنرل سیکرٹریٹ سے جاری بیان میں، سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد بن عبد الکریم العیسی نے اس فیصلے کی سخت مذمت کرتے ہوئے کہا کہ یہ بین الاقوامی قانون اور متعلقہ بین الاقوامی قراردادوں، بالخصوص 1981ء میں جاری ہونے والی سلامتی کونسل کی قرارداد نمبر 497 کی صریح خلاف ورزی ہے، جس میں مقبوضہ شامی گولان پر اسرائیلی قوانین، دائرۂ اختیار اور انتظام نافذ کرنے کو باطل اور کالعدم قرار دیتے ہوئے واضح کیا گیا ہے کہ اس کی کوئی قانونی حیثیت نہیں۔ ڈاکٹر العیسی نے ایک بار پھر اس امر پر زور دیا کہ گولان مقبوضہ عرب شامی سرزمین ہے، اور اس حقیقت کے منافی کوئی بھی اقدام یا فیصلہ باطل، ناقابلِ قبول اور قابلِ مذمت ہے، اور خطے میں قیامِ امن کی کوششوں کو نقصان پہنچانے کے مترادف ہے۔
**Post date** منگل, 11 August 2026 -
ٹیگز[آفیشل بیانات](/ur/official-press-releases)
[](https://www.addtoany.com/share#url=https%3A%2F%2Fmail.server-622903.themwl.org%2Fur%2Frabth-alm-aslamy-ky-mqbwdh-shamy-gwlan-pr-asrayyly-khwdmkhtary-tslym-krny-ky-kwlmbya-ky-aqdam-ky&title=%D8%B1%D8%A7%D8%A8%D8%B7%DB%81%20%D8%B9%D8%A7%D9%84%D9%85%20%D8%A7%D8%B3%D9%84%D8%A7%D9%85%DB%8C%20%DA%A9%DB%8C%20%D9%85%D9%82%D8%A8%D9%88%D8%B6%DB%81%20%D8%B4%D8%A7%D9%85%DB%8C%20%DA%AF%D9%88%D9%84%D8%A7%D9%86%20%D9%BE%D8%B1%20%D8%A7%D8%B3%D8%B1%D8%A7%D8%A6%DB%8C%D9%84%DB%8C%20%D8%AE%D9%88%D8%AF%D9%85%D8%AE%D8%AA%D8%A7%D8%B1%DB%8C%20%D8%AA%D8%B3%D9%84%DB%8C%D9%85%20%DA%A9%D8%B1%D9%86%DB%92%20%DA%A9%DB%92%20%DA%A9%D9%88%D9%84%D9%85%D8%A8%DB%8C%D8%A7%20%DA%A9%DB%92%20%D8%A7%D9%82%D8%AF%D8%A7%D9%85%20%DA%A9%DB%8C%20%D8%B4%D8%AF%DB%8C%D8%AF%20%D9%85%D8%B0%D9%85%D8%AA)