 رابطہ عالم اسلامی کے سیکرٹری جنرل کی بیلجیئم میں مسلم کمیونٹی کی قیادت سے ملاقات
برسلز:
رابطہ عالم اسلامی کے سیکرٹری جنرل اور چیئرمین مسلم علماء کونسل، عزت مآب شیخ ڈاکٹر محمد بن عبدالکریم العیسی نے بیلجیئم کے دارالحکومت برسلز میں مسلم کمیونٹی کی قیادت اور اس کی متعدد سماجی شخصیات سے ملاقات کی۔
عزت مآب نے ملاقات کا آغاز ایک خطاب سے کیا، جس میں عمومی طور پر مسلم معاشروں سے متعلق امور پر گفتگو کی، جبکہ بقائے باہمی اور معاشرتی ہم آہنگی، بالخصوص باہمی احترام کی اقدار کے فروغ میں بیلجیئم کی مسلم کمیونٹی کے کردار کو سراہا۔
انہوں نے رابطہ عالم اسلامی کی متعدد کانفرنسوں میں، رابطہ کے نامور علمائے کرام کی شرکت سے سامنے آنے والی سفارشات پر زور دیا، جن میں اس امر کی اہمیت واضح کی گئی ہے کہ ہر ملک کے مقامی حالات سے متعلق فتاویٰ اور دینی رہنمائی اسی ملک کے معتبر علماء سے حاصل کی جائے، کیونکہ وہ اپنے معاشرتی حالات و حقائق سے زیادہ واقف ہوتے ہیں، جن کا اسلامی شریعت کے قواعد میں بھی لحاظ رکھا گیا ہے۔ شریعت میں یہ اصول بیان کیا گیا ہے کہ فتاویٰ اور احکام زمان، مکان اور حالات کے اختلاف سے مختلف ہوسکتے ہیں۔
عزت مآب نے یہ بھی بتایا کہ رابطہ عالم اسلامی بیلجیئم کے مسلم علماء کی اپنی کانفرنسوں اور فورمز میں شرکت کا خیرمقدم کرتی ہے، خواہ وہ اسلامی امور سے متعلق خصوصی اجتماعات ہوں یا مختلف مذاہب کے پیروکاروں کی شرکت سے منعقد ہونے والے عمومی اجتماعات، جن کے مکالموں میں رابطہ عالم اسلامی کے پیغام اور اہداف کے مطابق سب کے مشترکہ مسائل زیرِ بحث آتے ہیں۔
اس کے بعد حاضرین کے ساتھ سوال وجواب اور تبادلۂ خیال کا سلسلہ شروع ہوا، جس میں دنیا بھر کے مسلم معاشروں سے متعلق متعدد اہم موضوعات پر گفتگو کی گئی۔
گزشتہاگلا
**Post date** سوموار, 5 October 2026 -
ٹیگز[خبریں](/ur/news)
[](https://www.addtoany.com/share#url=https%3A%2F%2Fwww.themwl.org%2Fur%2Frabth-alm-aslamy-ky-sykrttry-jnrl-ky-byljyym-myn-mslm-kmywntty-ky-qyadt-sy-mlaqat&title=%D8%B1%D8%A7%D8%A8%D8%B7%DB%81%20%D8%B9%D8%A7%D9%84%D9%85%20%D8%A7%D8%B3%D9%84%D8%A7%D9%85%DB%8C%20%DA%A9%DB%92%20%D8%B3%DB%8C%DA%A9%D8%B1%D9%B9%D8%B1%DB%8C%20%D8%AC%D9%86%D8%B1%D9%84%20%DA%A9%DB%8C%20%D8%A8%DB%8C%D9%84%D8%AC%DB%8C%D8%A6%D9%85%20%D9%85%DB%8C%DA%BA%20%D9%85%D8%B3%D9%84%D9%85%20%DA%A9%D9%85%DB%8C%D9%88%D9%86%D9%B9%DB%8C%20%DA%A9%DB%8C%20%D9%82%DB%8C%D8%A7%D8%AF%D8%AA%20%D8%B3%DB%92%20%D9%85%D9%84%D8%A7%D9%82%D8%A7%D8%AA)