 آج شام، صدرِ مملکت کی سرپرستی میں، اور ”اسلامی ومسیحی“ مذہبی قیادتوں، متعدد وزرا، ارکانِ پارلیمنٹ اور سول سوسائٹی کے نمائندوں کی شرکت کے ساتھ:
سیکرٹری جنرل رابطہ عالم اسلامی، چیئرمین مسلم علماء کونسل، عزت مآب [شیخ ڈاکٹر محمد العیسی](https://mohammadalissa.com) نے نائجیریا کے دارالحکومت ”ابوجا“ میں رابطہ عالم اسلامی کی مغربی افریقہ میں سماجی امن کے اقدام کا آغاز کیا۔ یہ اقدام رابطہ کی بین الاقوامی کانفرنس ”تنوع اور سماجی امن.. روشن مستقبل کے لیے شراکت داری“ کے ذریعے شروع کیا گیا۔
کانفرنس میں خطے کے تمام مذاہب اور مکاتبِ فکر کی نمائندگی کرنے والی مذہبی قیادتوں نے متفقہ طور پر ”اعلانِ ابوجا“ کی منظوری دی، جس میں حکومتی اداروں، اسلامی ومسیحی مذہبی قیادتوں اور سول سوسائٹی کی تنظیموں کے درمیان مشترکہ عملی منصوبے کے نفاذ اور باہمی تعاون کا عہد کیا گیا۔
اعلان میں ”میثاق مکہ مکرمہ“ کے علمی، تربیتی اور ابلاغی پروگراموں کو وسعت دینے پر بھی اتفاق کیا گیا، تاکہ امن، بقائے باہمی اور سماجی استحکام کو درپیش چیلنجز کا مقابلہ کیا جا سکے، بالخصوص تنازعات کی روک تھام اور مذہبی و نسلی تنوع پر مشتمل قومی سماجی تانے بانے کے تحفظ کے شعبوں میں شراکت داری کو فروغ دیا جائے۔
اسی طرح مغربی افریقہ میں مذہبی و سول قیادتوں اور اداروں کی رابطہ وہم آہنگی کمیٹی کے قیام کی منظوری دی گئی، جو عملی منصوبے میں طے شدہ ذمہ داریوں پر عمل درآمد، اس سے وابستہ پروگراموں اور اقدامات کے حوالے سے باہمی رابطے، مؤثر نفاذ، اہداف کے حصول اور باقاعدہ پیش رفت کی درست پیمائش کو یقینی بنائے گی۔
واضح رہے کہ اس اقدام کی بنیاد ایسے ستونوں پر رکھی گئی ہے جو انتہاپسندانہ افکار سمیت فکری وسماجی مسائل کی جڑوں سے نمٹتے ہیں، جبکہ متعلقہ تمام فریقوں کے درمیان پابند معاہدوں کے ذریعے عزم، شراکت داری اور پائیداری کو یقینی بناتے ہیں۔
گزشتہاگلا
**Post date** منگل, 11 August 2026 -
ٹیگز[خبریں](/ur/news)
[](https://www.addtoany.com/share#url=https%3A%2F%2Fwww.themwl.org%2Fur%2Fzt-mab-shykh-ddakttr-mhmd-alysy-ny-nayjyrya-ky-daralhkwmt-abwja-myn-rabth-alm-aslamy-ky-mghrby&title=%D8%B9%D8%B2%D8%AA%20%D9%85%D8%A2%D8%A8%20%D8%B4%DB%8C%D8%AE%20%DA%88%D8%A7%DA%A9%D9%B9%D8%B1%20%D9%85%D8%AD%D9%85%D8%AF%20%D8%A7%D9%84%D8%B9%DB%8C%D8%B3%DB%8C%20%D9%86%DB%92%20%D9%86%D8%A7%D8%A6%D8%AC%DB%8C%D8%B1%DB%8C%D8%A7%20%DA%A9%DB%92%20%D8%AF%D8%A7%D8%B1%D8%A7%D9%84%D8%AD%DA%A9%D9%88%D9%85%D8%AA%20%E2%80%9D%D8%A7%D8%A8%D9%88%D8%AC%D8%A7%E2%80%9C%20%D9%85%DB%8C%DA%BA%20%D8%B1%D8%A7%D8%A8%D8%B7%DB%81%20%D8%B9%D8%A7%D9%84%D9%85%20%D8%A7%D8%B3%D9%84%D8%A7%D9%85%DB%8C%20%DA%A9%DB%8C%20%D9%85%D8%BA%D8%B1%D8%A8%DB%8C%20%D8%A7%D9%81%D8%B1%DB%8C%D9%82%DB%81%20%D9%85%DB%8C%DA%BA%20%D8%B3%D9%85%D8%A7%D8%AC%DB%8C%20%D8%A7%D9%85%D9%86%20%DA%A9%DB%92%20%20%D8%A7%D9%82%D8%AF%D8%A7%D9%85%20%20%DA%A9%D8%A7%20%D8%A2%D8%BA%D8%A7%D8%B2%20%DA%A9%DB%8C%D8%A7%DB%94%20%DB%8C%DB%81%20%D8%A7%D9%82%D8%AF%D8%A7%D9%85%20%D8%B1%D8%A7%D8%A8%D8%B7%DB%81%20%DA%A9%DB%8C%20%D8%A8%DB%8C%D9%86%20%D8%A7%D9%84%D8%A7%D9%82%D9%88%D8%A7%D9%85%DB%8C%20%DA%A9%D8%A7%D9%86%D9%81%D8%B1%D9%86%D8%B3%20%E2%80%9D%D8%AA%D9%86%D9%88%D8%B9%20%D8%A7%D9%88%D8%B1%20%D8%B3%D9%85%D8%A7%D8%AC%DB%8C%20%D8%A7%D9%85%D9%86..%20%20%D8%B1%D9%88%D8%B4%D9%86%20%D9%85%D8%B3%D8%AA%D9%82%D8%A8%D9%84%20%DA%A9%DB%92%20%D9%84%DB%8C%DB%92%20%D8%B4%D8%B1%D8%A7%DA%A9%D8%AA%20%D8%AF%D8%A7%D8%B1%DB%8C%E2%80%9C%20%DA%A9%DB%92%20%D8%B0%D8%B1%DB%8C%D8%B9%DB%92%20%D8%B4%D8%B1%D9%88%D8%B9%20%DA%A9%DB%8C%D8%A7%20%DA%AF%DB%8C%D8%A7)