عزت مآب شیخ ڈاکٹر محمد العیسی نے علمائے عراق مکہ میں اجلاس کو سرزمین مقدس اور جامع قبلہ کی برکت کی متلاشی، راسخ علم وفہم سے لبریز، ہم آہنگ روحوں کا اجتماع قراردیا ہے
“عراقی مراجع فورم” کی تقریب میں نامور شخصیات کی شرکت،جس میں عراقی فقہ اکیڈمی کے سربراہ اور ارکان،علمی اداروں کے اساتذہ کرام، جمعیت علمائے کردستان کے سربراہ اور ارکان،عزت مآب وزیر اوقاف، سنی اور شیعہ اوقاف کے صدور اور متعدد جامعات کے چانسلر شامل ہیں۔
اہل مذاہب اور ادیان کے درمیان ثقافتی روابط اور میثاق مکہ مکرمہ کے مندرجات کو فعال کرنے پر شرکاء کا اتفاق۔
رابطہ عالم اسلامی نے حرم شریف کے سائے میں ایک تاریخی فورم میں تمام عراقی مراجع کو ایک ساتھ جمع کیا ۔
”عراقی مراجع“ نے عزت مآب شیخ ڈاکٹر محمد العیسی کو اخوت، یکجہتی اور تعاون کی اقدار کو فروغ دینے کے لئے، اسلامی مسالک کے مابین مؤثر اور بامقصد مکالمہ کے لئے ان کی کوششوں کے اعتراف میں اعزاز دیاہے۔
