رابطہ عالم اسلامی کی مسجد اقصیٰ کی حرمت پر مسلسل اسرائیلی حملوں اور خلاف ورزیوں کی شدید مذمت
رابطہ عالم اسلامی کی مسجد اقصیٰ کی حرمت پر مسلسل اسرائیلی حملوں اور خلاف ورزیوں کی شدید مذمت
مکہ مکرمہ:
رابطہ عالم اسلامی نے انتہاپسند اسرائیلی آبادکاروں اور وزراء کی جانب سے قابض افواج کی حفاظت میں مسجد اقصیٰ کی حرمت پر مسلسل دھاووں اور حملوں، نیز ان کے ساتھ ہونے والی خلاف ورزیوں اور اشتعال انگیز کارروائیوں کی شدید الفاظ میں مذمت کی ہے۔
رابطہ نے جنوبی لبنان اور غزہ کی پٹی کے بعض علاقوں کو ضم کرنے سے متعلق اسرائیلی بیانات کی بھی مذمت کی۔
رابطہ کے جنرل سیکرٹریٹ سے جاری بیان میں، سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد بن عبد الکریم العیسی نے ان سخت خلاف ورزیوں کی مذمت کرتے ہوئے کہا کہ یہ دنیا بھر کے مسلمانوں کے جذبات کو مشتعل کرنے کا باعث ہیں، کیونکہ ان میں اسلامی مقدسات کی حرمت پر سنگین حملہ مضمر ہے۔ انہوں نے دیگر حملوں اور دھمکیوں کی بھی مذمت کی جو خطے میں امن کی کوششوں کی راہ میں رکاوٹ بن رہی ہیں۔
