رابطہ عالم اسلامی کی نجران پر حوثی دہشت گرد حملوں کی شدید مذمت
مکہ مکرمہ:
رابطہ عالم اسلامی نے مملکتِ سعودی عرب کے علاقے نجران پر حوثی دہشت گرد ملیشیا کے مجرمانہ حملوں کی شدید الفاظ میں مذمت کی ہے۔
رابطہ کے جنرل سیکرٹریٹ سے جاری بیان میں، سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد بن عبد الکریم العیسی نے اس دہشت گرد حملے کی شدید مذمت کرتے ہوئے کہا کہ یہ کارروائی دینی اقدار، بین الاقوامی قوانین اور انسانی روایات کی صریح خلاف ورزی ہے، اور اس سے حوثی دہشت گرد ملیشیا کا وہ مجرمانہ طرزِ عمل ایک بار پھر بے نقاب ہوتا ہے، جس کے تحت وہ دانستہ شہری آبادی اور شہری تنصیبات کو نشانہ بناتی ہے۔
ڈاکٹر العیسی نے رابطہ عالم اسلامی کے عالمی مجالس، اداروں اور تنظیموں، نیز اس کے زیرِ سایہ دنیا بھر کی مسلم اقوام کی جانب سے مملکتِ سعودی عرب کے ساتھ مکمل یکجہتی کا اظہار کرتے ہوئے اس امر پر زور دیا کہ رابطہ ان تمام اقدامات کی بھرپور تائید کرتی ہے جو مملکت اپنے امن، خودمختاری، شہریوں اور اپنی سرزمین پر مقیم افراد کے تحفظ کے لیے اختیار کرے۔ آپ نے اللہ تعالیٰ سے دعا کی کہ وہ مملکتِ سعودی عرب، اس کی قیادت اور عوام کو ہر قسم کے شر اور آفت سے محفوظ رکھے۔
