رابطہ عالم اسلامی کا سعودی عرب، ترکیہ اور پاکستان کے درمیان مکہ مشترکہ دفاعی معاہدے کا خیرمقدم
مکہ مکرمہ:
رابطہ عالم اسلامی نے مملکت سعودی عرب، جمہوریہ ترکیہ اور اسلامی جمہوریہ پاکستان کے درمیان مشترکہ دفاع سے متعلق مکہ مکرمہ سربراہی اجلاس کے مشترکہ اعلامیے کا خیرمقدم کیا ہے۔ یہ سربراہی اجلاس خادم حرمین شریفین شاہ سلمان بن عبدالعزیز آل سعود حفظہ اللہ کی دعوت پر مکہ مکرمہ میں منعقد ہوا، جس کے نتیجے میں ’’مکہ مشترکہ دفاعی معاہدہ‘‘ طے پایا۔ معاہدے پر مملکت سعودی عرب کے ولی عہد اور وزیراعظم، شہزادہ محمد بن سلمان بن عبدالعزیز آل سعود حفظہ اللہ، جمہوریہ ترکیہ کے صدر جناب رجب طیب اردوان، اور اسلامی جمہوریہ پاکستان کے وزیراعظم جناب محمد شہباز شریف نے دستخط کیے۔
رابطہ کے جنرل سیکرٹریٹ سے جاری بیان میں، سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد بن عبد الکریم العیسی نے اس معاہدے کو بھرپور سراہتے ہوئے کہا کہ بالخصوص یہ معاہدہ اسلامی اخوت اور یکجہتی کے مضبوط رشتوں پر استوار ہے، جس کا مقصد مشترکہ سلامتی کو مستحکم کرنا اور بالخصوص خطے، جبکہ بالعموم عالمی برادری میں امن، استحکام اور خوشحالی کو فروغ دینا ہے۔ڈاکٹر العیسی نے اللہ تعالیٰ سے دعا کی کہ وہ ان کوششوں میں برکت عطا فرمائے، انہیں نفع بخش بنائے اور اس کے لیے کاوشیں کرنے والوں کو بہترین اجر سے نوازے۔
