رابطہ عالم اسلامی کی جانب سے ریاست کویت پر ایرانی جارحیت کی شدید مذمت

مکہ مکرمہ:

رابطہ عالم اسلامی نے ریاست کویت کی مسلح افواج کے ایک کیمپ، بجلی گھر اور پانی صاف کرنے والے پلانٹ پر کی جانے والی ایرانی جارحیت کی شدید الفاظ میں مذمت کی ہے۔
رابطہ کے جنرل سیکرٹریٹ سے جاری ایک بیان میں سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد بن عبد الکریم العیسی نے ان مجرمانہ ایرانی حملوں کی مذمت کا اعادہ کیا ہے، جو تمام مذہبی اقدار سمیت بین الاقوامی و انسانی قوانین اور روایات کی صریح خلاف ورزی ہیں۔
ڈاکٹر العیسی  نے ریاست کویت کے امیر، حکومت اور عوام کے ساتھ مکمل یکجہتی کا اظہار کرتے ہوئے کویت کی سلامتی، خود مختاری اور اپنے شہریوں و مقیم افراد کے تحفظ کے لیے اٹھائے جانے والے تمام اقدامات کی بھرپور حمایت کا یقین دلایا۔ ساتھ ہی انہوں نے اس بزدلانہ حملے میں زخمی ہونے والوں کی جلد صحت یابی کے لیے دعا بھی فرمائی۔