رابطہ عالم اسلامی نے مقبوضہ مغربی کنارے میں سزائے موت کے قانون کی منظوری کی شدید مذمت کی

رابطہ عالم اسلامی نے مقبوضہ مغربی کنارے میں سزائے موت کے قانون کی منظوری کی شدید مذمت کی

مکہ مکرمہ:

رابطہ عالم اسلامی نے مقبوضہ مغربی کنارے میں اسرائیلی حکام کی جانب سے سزائے موت کے قانون کی منظوری کی شدید الفاظ میں مذمت کی ہے، جسے کنیسٹ نے منظور کیا ہے اور جس کا اطلاق عملی طور پر امتیازی بنیادوں پر فلسطینیوں کے خلاف کیا جا رہا ہے۔
رابطہ کے جنرل سیکرٹریٹ سے جاری بیان میں، سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد بن عبد الکریم العیسی نے اس قانون کو ایک ایسا ظالمانہ اور متعصبانہ اقدام قرار دیا، جو فلسطینی عوام کی جان، عزت اور بنیادی حقوق کی مسلسل پامالی کا مظہر ہے۔ انہوں نے کہا کہ یہ قانون جبر، نسلی امتیاز اور فلسطینی قیدیوں کے ساتھ غیر انسانی سلوک کی پالیسیوں کا تسلسل ہے۔
انہوں نے اس امر کی بھی توثیق کی کہ رابطہ عالم اسلامی اس حوالے سے مملکتِ سعودی عرب، جمہوریہ ترکی، جمہوریہ مصر، جمہوریہ انڈونیشیا، مملکتِ اردن ہاشمیہ، جمہوریہ پاکستان، ریاستِ قطر اور متحدہ عرب امارات کے وزرائے خارجہ کے جاری کردہ مؤقف کی مکمل حمایت کرتا ہے، جس میں اس اقدام کی مذمت اور اس کے مضمرات پر گہری تشویش کا اظہار کیا گیا ہے۔