سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد العیسی نے بیلجیئم کے دارالحکومت برسلز میں وفاقی پارلیمنٹ کے اسپیکر، جناب پیٹر ڈی روور سے پارلیمنٹ کے صدر دفتر میں ملاقات کی
سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد العیسی نے بیلجیئم کے دارالحکومت برسلز میں وفاقی پارلیمنٹ کے اسپیکر، جناب پیٹر ڈی روور سے پارلیمنٹ کے صدر دفتر میں ملاقات کی۔
ملاقات میں باہمی ہم آہنگی اور تنوع کے فروغ کے دائرۂ کار، نیز مکالمے کے مختلف پہلوؤں کو مضبوط بنانے پر تبادلۂ خیال کیا گیا، کیونکہ یہ بین الاقوامی اور سرحد پار بحرانوں سے نمٹنے کا ایک اہم ذریعہ ہے۔ اس موقع پر رابطہ عالم اسلامی کی جانب سے انجام دی جانے والی پیشگی سفارت کاری کی افادیت، اور تنازعات کو بھڑکنے سے پہلے روکنے، اعتماد و مصالحت کے پل قائم کرنے میں مذہبی قیادتوں اور سماجی اداروں کے مؤثر کردار پر بھی زور دیا گیا، تاکہ یہ کوششیں سیاسی اور سفارتی کاوشوں کی تکمیل کر سکیں۔
مذاکراتی نشست کے دوران پارلیمنٹ کے اسپیکر نے ڈاکٹر العیسی کی کوششوں اور ان کی بین الاقوامی سرگرمیوں کو بے حد سراہتے ہوئے باہمی ہم آہنگی اور احترام کے فروغ، پُرامن بقائے باہمی کے قیام اور معاشروں کے درمیان اعتماد سازی کے لیے رابطہ عالم اسلامی کے کردار کی تعریف کی۔ انہوں نے اس بین الاقوامی موجودگی کو عالمی تنوع اور پیشگی سفارت کاری کی ایک زندہ مثال قرار دیا۔
پارلیمنٹ کے اسپیکر نے ڈاکٹر العیسی کی کوششوں اور بین الاقوامی سرگرمیوں کے عملی پہلو کو بھی سراہا، اور کہا کہ رابطہ عالم اسلامی کی ادارہ جاتی سرگرمیاں محض نظریاتی دائروں تک محدود نہیں، بلکہ دنیا بھر کی مختلف قیادتوں اور معاشروں کے ساتھ براہِ راست رابطے پر مبنی ہیں، جس کے باعث رابطہ عالم اسلامی کا کردار امن سازی اور رواداری کی اقدار کے فروغ کا ایک عملی نمونہ بن گیا ہے۔
