رابطہ عالم اسلامی کی جانب سے اردن، بحرین اور کویت کے خلاف ایران کی مسلسل جارحیت کی شدید مذمت
مکہ مکرمہ:
رابطہ عالم اسلامی نے سخت ترین الفاظ میں مملکتِ اردن ، مملکتِ بحرین اور ریاستِ کویت کے خلاف ایران کی مسلسل مجرمانہ جارحیت کی مذمت کی ہے۔
رابطہ کے جنرل سیکرٹریٹ سے جاری بیان میں، سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد بن عبد الکریم العیسی نے ان مسلسل مجرمانہ ایرانی حملوں کی شدید مذمت کرتے ہوئے کہا کہ یہ کارروائیاں دینی اقدار، بین الاقوامی قوانین اور انسانی روایات کی صریح خلاف ورزی ہیں، اور خطے میں امن و استحکام کی بحالی کی کوششوں کو نقصان پہنچا رہی ہیں۔ڈاکٹر العیسی نے خطے اور دنیا کو اس خطرناک کشیدگی کے سنگین نتائج سے محفوظ رکھنے کی ضرورت پر زور دیتے ہوئے فوری طور پر مذاکرات کی میز پر واپسی کا مطالبہ کیا۔ انہوں نے اس سلسلے میں جمہوریہ پاکستان کی جانب سے مہارت کے ساتھ جاری سفارتی کوششوں اور ریاستِ قطر کی مسلسل کاوشوں کو سراہا، جو بحران کے پُرامن حل کے لیے بروئے کار لائی جا رہی ہیں۔
آپ نے مملکتِ اردن ، مملکتِ بحرین اور ریاستِ کویت کے ساتھ مکمل یکجہتی کا اظہار کرتے ہوئے کہا کہ رابطہ عالم اسلامی ان برادر ممالک کی جانب سے اپنے امن، خودمختاری، اور اپنے شہریوں ومقیم افراد کے تحفظ کے لیے کیے جانے والے تمام اقدامات کی مکمل حمایت کرتی ہے۔
