رابطہ عالم اسلامی کی جانب سے کویت، بحرین اور اردن پر ایرانی جارحیت کے تسلسل کی شدید مذمت
مکہ مکرمہ:
رابطہ عالم اسلامی نے ریاستِ کویت، مملکتِ بحرین اور مملکتِ ہاشمیہ اردن پر ہونے والی ایرانی جارحیت کے تسلسل کی شدید الفاظ میں مذمت کی ہے۔
رابطہ کے جنرل سیکرٹریٹ سے جاری بیان میں، سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد بن عبدالکریم العیسی نے ایک بار پھر ایران کے ان مجرمانہ حملوں کی شدید مذمت کرتے ہوئے کہا کہ اہم تنصیبات، بنیادی ڈھانچے اور شہری مراکز کو نشانہ بنانے والی یہ مسلسل جارحانہ کارروائیاں دینی اقدار، بین الاقوامی قوانین اور انسانی روایات کی صریح خلاف ورزی ہیں، اور خطے میں امن واستحکام کی بحالی کے لیے کی جانے والی کوششوں کو سبوتاژ کرتے ہیں۔
آپ نے ریاستِ کویت، مملکتِ بحرین اور مملکتِ ہاشمیہ اردن کے ساتھ مکمل یکجہتی کا اظہار کرتے ہوئے اس امر پر زور دیا کہ رابطہ ہر اُس اقدام میں ان ممالک کے ساتھ کھڑی ہے جو وہ اپنے امن، خودمختاری، اور اپنے شہریوں ومقیم افراد کی سلامتی کے تحفظ کے لیے اٹھائیں۔
