رابطہ عالم اسلامی کی جانب سے کویت پر جارحیت کی شدید مذمت
مکہ مکرمہ:
رابطہ عالم اسلامی نے سخت ترین الفاظ میں ریاستِ کویت پر میزائلوں اور ڈرون طیاروں کے ذریعے کیے گئے مجرمانہ حملے کی مذمت کی ہے۔
رابطہ کے جنرل سیکرٹریٹ سے جاری بیان میں، سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد بن عبد الکریم العیسی نے ان مجرمانہ حملوں کی شدید مذمت کرتے ہوئے کہا کہ یہ کارروائیاں خطے کے ممالک کی خودمختاری کی کھلی خلاف ورزی اور ان کے امن واستحکام کے لیے سنگین خطرہ ہیں۔آپ نے ریاستِ کویت،اس کی قیادت، حکومت اور عوام کے ساتھ مکمل یکجہتی کا اظہار کرتے ہوئے کہا کہ رابطہ عالم اسلامی کویت کی جانب سے اپنے امن، خودمختاری، اور اپنے شہریوں ومقیم افراد کے تحفظ کے لیے کیے جانے والے تمام اقدامات کی مکمل حمایت کرتی ہے۔
