رابطہ عالم اسلامی کی جانب سے سعودی جہاز پر حوثی دہشت گرد ملیشیا کے حملے کی شدید مذمت
مکہ مکرمہ:
رابطہ عالم اسلامی نے بحیرۂ احمر میں حوثی دہشت گرد ملیشیا کی جانب سے ایک سعودی جہاز کو نشانہ بنانے کی شدید الفاظ میں مذمت کی ہے۔
رابطہ کے جنرل سیکرٹریٹ سے جاری بیان میں، سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد بن عبد الکریم العیسی نے اس بزدلانہ مجرمانہ حملے کی سخت مذمت کرتے ہوئے کہا کہ یہ کارروائی تمام دینی اقدار، بین الاقوامی قوانین اور انسانی اصول وروایات کی صریح خلاف ورزی ہے، اور اس امر کی غماز ہے کہ یہ دہشت گرد ملیشیا شہری اور معاشی تنصیبات کو نشانہ بنانے، بین الاقوامی تجارتی گزرگاہوں کو خطرے میں ڈالنے اور سمندری ماحول کو نقصان پہنچانے کی اپنی مجرمانہ روش پر بدستور قائم ہے۔
ڈاکٹر العیسی نے رابطہ، اس کے عالمی مجامع، ہیئات اور مجالس کی جانب سے مملکتِ سعودی عرب کے ساتھ مکمل یکجہتی کا اظہار کرتے ہوئے اس امر پر زور دیا کہ رابطہ اس دہشت گردانہ جارحیت کے مقابلے میں مملکت کی جانب سے کیے جانے والے تمام اقدامات کی بھرپور تائید کرتی ہے۔
