رابطہ عالم اسلامی کی خلیجی ممالک، اردن اور تجارتی بحری جہازوں کے خلاف جاری ایرانی جارحیت کی شدید مذمت
مکہ مکرمہ:
رابطہ عالم اسلامی نے سخت ترین الفاظ میں ریاستِ کویت، مملکتِ بحرین، ریاستِ قطر، متحدہ عرب امارات، سلطنتِ عمان، مملکتِ اردن ، اور تجارتی جہازوں کے خلاف ایران کی مسلسل جارحیت کی مذمت کی ہے، جو بین الاقوامی قانون، اقوامِ متحدہ کے منشور، اسلامی تعاون تنظیم کے منشور، اور حسنِ ہمسائیگی کے اصولوں کی صریح خلاف ورزی ہے۔
رابطہ کے جنرل سیکرٹریٹ سے جاری بیان میں، سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد بن عبد الکریم العیسی نے ایک بار پھر ایرانی مجرمانہ حملوں کی مذمت کرتے ہوئے کہا کہ یہ مسلسل جارحانہ کارروائیاں دینی اقدار، بین الاقوامی قوانین اور انسانی روایات کی صریح خلاف ورزی ہیں، اور خطے میں امن و استحکام کی بحالی کی کوششوں کو نقصان پہنچارہی ہیں۔
ڈاکٹر العیسی نے ریاستِ کویت، مملکتِ بحرین، ریاستِ قطر، متحدہ عرب امارات، سلطنتِ عمان، اور مملکتِ اردن کے ساتھ مکمل یکجہتی کا اظہار کرتے ہوئے کہا کہ رابطہ عالم اسلامی ان برادر ممالک کی جانب سے اپنے امن، خودمختاری، اور اپنے شہریوں ومقیم افراد کے تحفظ کے لیے کیے جانے والے تمام اقدامات کی مکمل حمایت کرتی ہے۔
