رابطہ عالم اسلامی کی مملکتِ بحرین پر ایران کے مسلسل جارحانہ حملوں کی شدید مذمت

رابطہ عالم اسلامی کی مملکتِ بحرین پر ایران کے مسلسل جارحانہ حملوں کی شدید مذمت

مکہ مکرمہ:

رابطہ عالم اسلامی نے مملکتِ بحرین پر ایران کے مسلسل جارحانہ حملوں کی شدید الفاظ میں مذمت کی ہے۔

رابطہ کے جنرل سیکرٹریٹ سے جاری بیان میں، سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد بن عبد الکریم العیسی نے ایران کے ان مجرمانہ حملوں کی ایک بار پھر شدید مذمت کرتے ہوئے کہا کہ یہ کارروائیاں تمام دینی اقدار، بین الاقوامی قوانین اور انسانی روایات کی صریح خلاف ورزی ہیں، اور خطے کی سلامتی و استحکام اور اس کے عوام کے تحفظ کے لیے سنگین خطرہ ہونے کے ساتھ ساتھ قیامِ امن کی تمام کوششوں کو سبوتاژ کرتی ہیں۔

ڈاکٹر العیسی نے مملکتِ بحرین کے ساتھ مکمل یکجہتی پر زور دیتے ہوئے اس کی سلامتی، خودمختاری، نیز اپنے شہریوں اور اپنی سرزمین پر مقیم افراد کے تحفظ کے لیے کیے جانے والے تمام اقدامات کی بھرپور تائید کی۔

Post date منگل, 17 November 2026