رابطہ عالم اسلامی کی مقبوضہ بیت المقدس میں کولمبیا کا سفارت خانہ کھولنے کے اقدام کی مذمت
رابطہ عالم اسلامی کی مقبوضہ بیت المقدس میں کولمبیا کا سفارت خانہ کھولنے کے اقدام کی مذمت
مکہ مکرمہ:
رابطہ عالم اسلامی نے کولمبیا کی حکومت کی جانب سے مقبوضہ بیت المقدس میں اپنا سفارت خانہ کھولنے کے اقدام کی مذمت کی ہے۔
رابطہ کے جنرل سیکرٹریٹ سے جاری بیان میں، سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد بن عبد الکریم العیسی نے اس اقدام کی شدید مذمت کرتے ہوئے کہا کہ یہ بیت المقدس کی قانونی اور تاریخی حیثیت سے متعلق بین الاقوامی مؤقف سے متصادم ہے اور اس سلسلے میں تمام متعلقہ بین الاقوامی قوانین اور قراردادوں کی خلاف ورزی ہے۔ ڈاکٹر العیسی نے مقبوضہ بیت المقدس میں کسی بھی غیر قانونی صورتِ حال کو مستقل حیثیت دینے، یا بین الاقوامی قانون اور اقوام متحدہ کی متعلقہ قراردادوں سے متصادم کسی بھی ادارے یا انتظام کو قانونی جواز فراہم کرنے کے لیے کیے جانے والے تمام اقدامات کو مکمل طور پر مسترد کرنے کا اظہار کیا۔
