عالمی ادارہ برائے قانون دان کے مشیر اور قائم مقام سیکرٹری جنرل،شيخ عبد اللطيف المطلق نے مملکت مراکش میں شاہ محمد ششم کی زیرِ سرپرستی منعقدہ ”بچوں سے مشقت کے خاتمے کی چھٹی عالمی کانفرنس“ میں شرکت کی

سیکرٹری جنرل رابطہ اور چیئرمین مسلم علماء کونسل کے نمائندے کے طور پر، اور متعدد حکومتی اداروں وبین الاقوامی تنظیموں کی موجودگی میں:
عالمی ادارہ برائے قانون دان کے مشیر اور قائم مقام سیکرٹری جنرل،شيخ عبد اللطيف المطلق نے مملکت مراکش میں شاہ محمد ششم کی زیرِ سرپرستی منعقدہ ”بچوں سے مشقت کے خاتمے کی چھٹی عالمی کانفرنس“ میں شرکت کی۔
آپ  نے رابطہ عالم اسلامی کی ان کوششوں کو اجاگر کیا جو میثاق مکہ مکرمہ کی روشنی میں انجام دی جا رہی ہیں، جس میں بچوں کی تعلیم، نگہداشت اور باوقار زندگی کے حق کے تحفظ کے لیے ایک مستقل شق مختص کی گئی ہے۔
آپ نے اقوام متحدہ سمیت دیگر عالمی اداروں کے ساتھ رابطہ کی موثر شراکت داریوں کا ذکر کرتے ہوئے واضح کیا کہ رابطہ کے بنیادی مشن اور اہداف کے مطابق دنیا بھر میں سماجی وتعلیمی منصوبوں کی حمایت کی جاتی ہے۔
انہوں نے اس بات پر زور دیا کہ اس سلسلے میں تمام تعاون متعلقہ حکومتوں اور اقوام متحدہ کے اداروں کے ساتھ براہِ راست ہم آہنگی کے ذریعے عمل میں لایا جاتا ہے۔