رابطہ عالم اسلامی کی جنوبی شام میں اسرائیلی جارحیت کی شدید مذمت

رابطہ عالم اسلامی کی جنوبی شام میں اسرائیلی جارحیت کی شدید مذمت
مکہ مکرمہ:

رابطہ عالم اسلامی نے جمہوریہ عرب شام کے جنوب میں فوجی تنصیبات  پر اسرائیلی افواج کے حملے کی شدید الفاظ میں مذمت کی ہے۔
رابطہ کے جنرل سیکرٹریٹ سے جاری ایک بیان میں، سیکرٹری جنرل رابطہ  اور چیئرمین مسلم علماء کونسل، عزت مآب شیخ ڈاکٹر محمد بن عبدالکریم العیسیٰ نے اس جارحیت کی مذمت کی، جو عالمی قوانین اور بین الاقوامی روایات، بالخصوص 1974ء کے ”معاہدہ علیحدگیِ افواج “کی کھلی خلاف ورزی ہے۔  ڈاکٹر العیسی  نے شام اور اس کے عوام کے ساتھ مکمل یکجہتی کا اعادہ کیا، اور شام کی خودمختاری کی ہر اس پامالی کو مسترد کیا جو اس کے امن و استحکام کے لیے خطرہ ہو۔