امن کے ساتھ مل کر رہنے کے عالمی دن کے موقع پر ، ہم اس بات کا اعادہ کرتے ہیں کہ میثاق مکہ مکرمہ کے مندرجات ایک ایسے عالم کی تعمیر کے بنیادی اصولوں میں سرفہرست ہیں جو ہم آہنگی اور امن سے معمور ہو

امن کے ساتھ مل کر رہنے کے عالمی دن کے موقع پر ، ہم اس بات کا اعادہ کرتے ہیں کہ میثاق مکہ مکرمہ کے مندرجات ایک ایسے عالم کی تعمیر کے بنیادی اصولوں میں سرفہرست ہیں جو ہم آہنگی اور امن سے معمور ہو۔
یہ وہ تاریخی دستاویز ہے جس کی منظوری کے لیے منعقدہ کانفرنس کو خادم حرمین شریفین شاہ سلمان بن عبدالعزیز آل سعود حفظہ اللہ کی خصوصی سرپرستی حاصل رہی۔ اس کے شرعی مندرجات کی توثیق 1200 سے زائد نامور علمائے کرام اور مفتیانِ عظام نے کی، جبکہ اس کانفرنس میں 4500 سے زائد اسلامی مفکرین نے شرکت کی۔ اسلامی تعاون تنظیم کے رکن ممالک نے بھی اس میثاق کی توثیق کرتے ہوئے اسے اسلامی ممالک کے دینی، تعلیمی اور ثقافتی اداروں میں بطور رہنما دستاویز اپنانے کی سفارش کی ہے۔ تنظیم کی اسی سفارش پر عمل درآمد کرتے ہوئے، اس وقت دنیا بھر میں ائمہ کرام کو اس میثاق کے مندرجات کی روشنی میں خصوصی تربیت فراہم کی جا رہی ہے۔