رابطہ عالم اسلامی کی مملکتِ مراکش میں دہشت گرد منصوبوں کی شدید مذمت
مکہ مکرمہ:
رابطہ عالم اسلامی نے مملکتِ مراکش میں امنِ عامہ، شہریوں اور املاک کو نشانہ بنانے کے لیے تیار کیے گئے دہشت گرد منصوبوں کی شدید مذمت کی ہے۔
رابطہ کے جنرل سیکرٹریٹ سے جاری بیان میں، سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد بن عبدالکریم العیسی نے تشدد اور دہشت گردی کو اس کی تمام شکلوں اور جوازوں سمیت مسترد کرنے کے رابطہ کے اصولی موقف کا اعادہ کیا۔ آپ نے مملکتِ مراکش کے امن، خودمختاری، استحکام اور وہاں کے شہریوں ومقیم افراد کی سلامتی کو خطرے میں ڈالنے والے ہر اقدام کے خلاف مراکش کے ساتھ مکمل یکجہتی کا اظہار کیا۔
