رابطہ عالم اسلامی کی جانب سے جنوبی لبنان میں” یونیفل“فورس سے وابستہ فرانسیسی بٹالین پر حملے کی شدید مذمت

رابطہ عالم اسلامی کی جانب سے جنوبی لبنان میں” یونیفل“فورس سے وابستہ فرانسیسی بٹالین پر حملے کی شدید مذمت

مکہ مکرمہ:
رابطہ عالم اسلامی نے جنوبی لبنان میں اقوام متحدہ کی امن فوج” یونیفل“ سے وابستہ فرانسیسی بٹالین پر حملے کی شدید مذمت کی ہے۔
رابطہ کے جنرل سیکرٹریٹ سے جاری بیان میں، سیکرٹری جنرل رابطہ اور چیئرمین مسلم علماء کونسل عزت مآب شیخ ڈاکٹر محمد بن عبد الکریم العیسی نے اس حملے کی مذمت کرتے ہوئے کہا کہ یہ اقدام لبنان میں اقوامِ متحدہ کی امن فوج کو نشانہ بنانے کے مترادف ہے۔
ڈاکٹر العیسی نے اس امر کا اعادہ کیا کہ رابطہ عالم اسلامی اقوامِ متحدہ کے اداروں اور اس کے مشنز کو نشانہ بنانے کے ہر اقدام کو مسترد اور قابلِ مذمت سمجھتا ہے، اور یہ مؤقف اس کی جانب سے ہر قسم کے تشدد اور دہشت گردی کی مذمت کے اصولی موقف کا حصہ ہے۔ مزید برآں، انہوں نے اس حملے کی سنگینی پر زور دیا جو اقوامِ متحدہ کی امن فوج اور اس کی آزادانہ نقل وحرکت پر حملہ ہے، اور جس میں متعلقہ اقوامِ متحدہ قراردادوں کی خلاف ورزی پائی جاتی ہے، بالخصوص بین الاقوامی انسانی قانون کے ان اصولوں کی پامالی جو مسلح کارروائیوں میں شریک نہ ہونے والے افراد، بشمول اقوامِ متحدہ مشنز کے اہلکاروں، کے تحفظ کی ضمانت دیتے ہیں۔ نیز یہ اقدام اقوامِ متحدہ کے عملے کی سلامتی وتحفظ سے متعلق بین الاقوامی ذمہ داریوں کی بھی خلاف ورزی ہے۔
عزت مآب نے جاں بحق ہونے والوں کے لواحقین سے دلی تعزیت کا اظہار کیا اور زخمیوں کی جلد صحت یابی کے لیے دعا کی۔